ತೂಬಗೆರೆ ಹಾಲು ಉತ್ಪಾದಕ ಸಹಕಾರ ಸಂಘದ ಸರ್ವ ಸದಸ್ಯರ ವಾರ್ಷಿಕ ಸಭೆ

ದೊಡ್ಡಬಳ್ಳಾಪುರ:ದೊಡ್ಡಬಳ್ಳಾಪುರ ತಾಲ್ಲೊಕು ತೂಬಗೆರೆ ಹಾಲು ಉತ್ಪಾದಕರ ಸಂಘದ 2023-24 ನೇ

ಸಾಲಿನ ಸರ್ವ ಸದಸ್ಯರ ವಾರ್ಷಿಕ ಸಭೆಯು

ಸಂಘದ ಆವರಣದಲ್ಲಿ  ಸಂಘದ ಅಧ್ಯಕ್ಷ ವೆಂಕಟಪ್ಪ ಸಮುಖದಲ್ಲಿ ನಡೆಯಿತು.

ತೂಬಗೆರೆ ಹಾಲು ಉತ್ಪಾದಾಕರ ಸಹಕಾರ ಸಂಘಕ್ಕೆ 12 ಲಕ್ಷ 58 ಸಾವಿರ ಲಾಭಾಂಶ ಬಂದಿದೆ ಎಂದು ಅಧ್ಯಕ್ಷ ವೆಂಕಟಪ್ಪ ಹೇಳಿದರು

 ನಂತರ ಸಭೆಯನ್ನು ಉದ್ದೇಶಿಸಿ ಮಾತನಾಡಿದ, ಜಿಲ್ಲಾ ಪಂಚಾಯ್ತಿ ಮಾಜಿ ಸದಸ್ಯ

ಎನ್.ಅರವಿಂದ್ ಹಾಲು ಉತ್ಪಾದಕರು ಹೆಚ್ಚು ಪ್ರಮಾಣದಲ್ಲಿ ಹಾಲು ಉತ್ಪಾದನೆಯಲ್ಲಿ ತೊಡಸಿಕೊಳ್ಳಬೇಕು, ಸಂಘಗಳ ಲಾಭಾಂಶ ಕಡಿಮೆಯಾಗಲು ಗುಣಮಟ್ಟದ ಹಾಲು ಕಾರಣ, ರೈತರು ಸಂಘದಿಂದ ಆನೇಕ ಸೌಲಭ್ಯಗಳನ್ನು ಉಪಯೋಗ ಮಾಡಿಕೊಳ್ಳಬೇಕು, ಗುಣಮಟ್ಟದ ಹಾಲು ಉತ್ಪಾದನೆಯಲ್ಲಿ ಆಡಳಿತ ಮಂಡಳಿಯ ಕರ್ತವ್ಯ ಇರುತ್ತದೆ. ಹೈನುಗಾರಿಕೆ ಮೂಲಕ ಆದಾಯ ಪಡೆಯುವ ಜನರು ಸ್ವಾವಲಂಬಿಗಳಾಗಿ ಬದುಕುವಂತಾಗಬೇಕು, ಉತ್ತಮ ತಳಿಯ ರಾಸುಗಳನ್ನು ಸಾಕುವ ಜತೆಗೆ ಉತ್ತಮವಾಗಿ ನಿರ್ವಹಣೆ ಮಾಡಬೇಕು, ಮೇವು ಪೋಲಾಗುವುದನ್ನು ತಡೆಯಲು ಉತ್ತಮ ಮೇವನ್ನು ಸಂಸ್ಕರಿಸಿ ಬಳಕೆ ಮಾಡಬೇಕು, ಉತ್ತಮ ಗುಣಮಟ್ಟದ ಹಾಲನ್ನು ಕರೆದು ಸಹಕಾರ ಸಂಘಕ್ಕೆ ಸರಬರಾಜು ಮಾಡಿ ಹೆಚ್ಚಿನ ಆದಾಯಗಳಿಸಿ ಹಾಲು ಉತ್ಪಾದಕರು ಸರಕಾರ ಹಾಗೂ ಸಂಘಗಳಿಂದ ದೊರೆಯುವ ಸವಲತ್ತುಗಳನ್ನು ಸದುಪಯೋಗ ಪಡಿಸಿಕೊಂಡು

ಉತ್ತಮ ರೀತಿಯಲ್ಲಿ ಕುಟುಂಬ ನಿರ್ವಹಣೆ ಮಾಡಬೇಕು ಎಂದರು.

ಕಾರ್ಯಕ್ರಮದಲ್ಲಿ ಕೆಪಿಸಿಸಿ ಸದಸ್ಯ ಎಸ್. ಆರ್. ಮುನಿರಾಜ್,ದೊಡ್ಡಬಳ್ಳಾಪುರ ಶಿಬಿರದ ವಿಸ್ತರಣಾಧಿಕಾರಿ ಸಣ್ಣೇಗೌಡ್ರು, ಸಂಘದ ಉಪಾಧ್ಯಕ್ಷ ರಾಜಗೋಪಾಲ್, ಸಂಘದ ಕಾರ್ಯದರ್ಶಿ ಶ್ರೀನಿವಾಸ, ಇ ನಿರ್ದೇಶಕರಾದ ನರಸಿಂಹಮೂರ್ತಿ, ನಾರಾಯಣಸ್ವಾಮಿ, ಪುಟ್ಟಗೌರಮ್ಮ, ಸರಸ್ವತಿ, ಗಂಗಾದರ. ರಾಮಚಂದ್ರ, ದೇವೇಂದ್ರ ಸ್ವಾಮಿ, ಕೃಷ್ಣಪ್ಪ, ಶಂಕರ್, ನಾರಾಯಣಸ್ವಾಮಿ ಹಾಜರಿದ್ದರು.